唔想再拍散拖?想要愛情長久就要學下呢幾招了!
過年期間各位單身狗有無被人催婚?
有個同事話自己返去相親咗十幾次。。。
超誇張!!!
其實好多人都唔係無人追
只係每段感情都唔長久
究竟點解會咁?
呢種時候當然就要請教下過來人
有網站訪問咗交往超過兩年嘅情侶們
總結出咗佢哋愛情可以長跑嘅6點秘訣
睇睇你做到未?
☟
♥兩人遇到問題要即刻解決♥
如果兩個人因為一D觀點或者事情發生矛盾,冷處理係最唔應該嘅方法,雖然避免咗爭吵,但係呢件事會一直卡喺你哋之間,就算係小問題都會慢慢積壓成大事,變成下一次爭吵嘅理由,所以遇到呢D情況一定要儘快解決。
♥對彼此誠實♥
如果你想同對方長久咁喺埋一齊,就要注意講大話係大忌!要知道只要係謊言就總會有被拆穿嘅一日,只要發現過一次,對方就會唔再信任你,因為無人中意成日俾人厄!
♥唔好得個諗,要付諸行動♥
油嘴滑舌固然可以氹得對方好開心,不過經常只說空話嘅話只會令到對方越聽越厭。如果想要對對方好嘅話,腦海入面嘅諗法就要即刻付諸行動,令佢知道你真係想對佢好。
♥保持狀態♥
單身嘅時候為咗吸引另一半,大家都會好注重自己嘅形象,不過喺埋一齊之後,可能就會懶得就懶,將自己最隨意嘅一面展示雖然係好真實,不過咁樣會令對方覺得你同之前佢中意嘅唔係同一個人!所以該保持嘅優點仲係要維護好!
♥彼此尊重隱私♥
兩個人想要長久咁一齊,彼此嘅私人空間都好重要,如果永遠都要毫無保留,其實都會攰。保持一定嘅距離,喺對方同自己D朋友交際嘅時候,唔好太多懷疑同埋痴纏,會令大家嘅關係維持得更耐。
♥彼此嘅問題自己解決♥
雖然話旁觀者清,不過喺處理兩個人嘅矛盾個陣,最好就自己關埋門解決,適當地參考朋友嘅意見可以,但係唔好完全靠第三者,咁樣會令對方唔放心你,覺得你唔可靠。
戀情唔長久嘅朋友
你做到上面幾點未?