【父親節】勁溫情!陳敏之給老公的一封信

陳敏之去年底誕下囝囝「冬至」，正式加入母親行列，不過未幾便「復出」拍劇，照顧囝囝重任便落於老公身上。明日便是父親節，敏之親自執筆寫了一封給老公的信，感激對方為家庭付出，對囝囝的愛更是無微不至，絕對是100分的稱職老公兼父親！

無線花旦陳敏之三年前下嫁圈外老公William，去年冬至日更一索得男，不過熱愛工作的她於坐月後便火速修身，歸位拍攝新劇《溏心風暴3》，故照顧「冬至」一職便落在William身上，雖然新手爸爸上陣，但于敏之心中絕對100分，故趁明日父親節，親筆向老公寫了一封深情的信，以感激他為家庭無盡的付出。

「We Love You」

敏之於信中提到：「今年是我和BB跟你一起過的第一個父親節，相信一家是最難忘的！謝謝你對我們的愛，給BB無微不至的照顧！We Love You！」並於信中上下款加上心心，盡顯對William的愛。敏之於接受東網訪問，透露父親節當日要開工，已提前食飯慶祝，談到William首當父親以來的評價，敏之毫不思索便謂：「簡直100分，佢系一個好好老公、爸爸，喺生咗『冬至』之後，就更加睇到佢嘅愛好勁，咁當然對我都好好啦！平時老公負責守夜更，主要系餵奶同換片，真系估唔到佢原來咁稱職，唔繫個個男人都識。」更大讚William很有耐性，亦錫仔錫到燶，認為這與愛子樣貌如老公迷你版不無道理，更謂：「佢平時做嘢都辛苦，但寧願唔瞓覺去照顧個仔，又成日返屋企陪我哋，盡曬做爸爸嘅責任，所以我覺得自己好幸福。」